БАРИЛГЫН САЛБАРЫН ТОП 160 ААНБ-ЫГ

ШАЛГАРУУЛАХ УДИРДАМЖ

Нэг. ТОП ААНБ шалгаруулах зорилго

Барилгын салбарт шинэ техник технологи нэвтрүүлэн салбартаа хөгжил дэвшил авчирч, улс орныхоо эдийн засагт тодорхой хувь нэмэр оруулж буй ТОП ААНБ-ыг жил болгон шалгаруулж, урамшуулах, олон нийтэд таниулан сурталчлах, дэмжин ажиллах зорилготой.

Хоёр. Шалгаруулалтын аргачлал

Энэхүү шалгаруулалтыг дараах үзүүлэлтүүдийг харгалзан, дундаж үзүүлэлтээр нэгдсэн үнэлгээг гаргана. Үүнд:

А. Байгууллагын үндсэн үзүүлэлтүүд (Эдгээрийг байгууллагаас нь жилийн эцэс буюу 12 дугаар сарын 31-ны байдлаарх санхүүгийн тайлан дээрх утгаар бичнэ)

• Борлуулалтын орлого

• Ашгийн хэмжээ

• Татварын хэмжээ

• Ажилчдын тоо

• Хөрөнгийн хэмжээ

Б. Үйл ажиллагааны онцлог үзүүлэлт

Дэлгэрэнгүйг судалгааны асуулга хэсгээс харна уу.

В. Санал асуулгын дүн

• Олон нийтээс тухайн компанид үнэлгээ өгөх байдлаар хамгийн өндөр үзүүлэлттэй байгууллагуудыг шалгаруулна.

Эдгээрийг нэгтгэн зургаар харуулж байна:

Гурав. ТОП ААНБ-ыг шалгаруулах хүрээ, хамрагдах байгууллагуудын тоо

ТОП БАРИЛГЫН ГҮЙЦЭТГЭГЧ                           50

Барилга угсралт                                  25

Цахилгаан, холбоо дохиолол                                           5

Сантехник, усан хангамж, ариутгах татуурга              10

Агааржуулалт, салхивч, хөргөлт                                     5

Засал чимэглэл, интерьер дизайн, тохижилт                 5

ТОП ЗУРАГ ТӨСЛИЙН БАЙГУУЛЛАГА                           20

ТОП ҮХХ ТӨСӨЛ ХЭРЭГЖҮҮЛЭГЧ                                 20

ТОП БАРИЛГЫН МАТЕРИАЛ ИМПОРТЛОГЧ              20

ТОП БАРИЛГЫН МАТЕРИАЛ ҮЙЛДВЭРЛЭГЧ             50

Тав. ТОП ААНБ-ыг шалгаруулах зөвлөл, оролцогч талууд

Шалгаруулалтыг төрийн болон төрийн бус байгууллагууд, холбогдох барилгын холбоодын  төлөөллийг оролцуулж үнэлгээний аргачлалд санал авна. Байгууллагуудаас нэгдсэн нэгдсэн үнэлгээг авсны дараа танилцуулж, санал авах байдлаар хамтран ажиллана. Эдгээр байгууллагуудын төлөөлөл “Шалгаруулалтын зөвлөл” - ийг бүрдүүлнэ. Шалгаруулах зөвлөлд орох байгууллагууд: 

• Барилгын хөгжлийн төв

• Монголын барилгын үндэсний ассоциаци

• Монголын барилгын инженерүүдийн холбоо 

• Монголын барилгын зураг төсөл зохиогчдын холбоо 

• Монголын цонх хаалга үйлдвэрлэгчдийн холбоо 

• Монголын барилгын материал үйлдвэрлэгчдийн холбоо 

• Монголын барилгын гүйцэтгэгч байгууллагуудын холбоо 

Зургаа. Шалгаруулалтын хүрээнд  хийх ажлууд

ТОП ААНБ-ыг шалгаруулах ажлыг жил бүр хийх бөгөөд дараах үндсэн ажлууд хийгдэх болно. Үүнд:

I. 200-300 байгууллагуудаас мэдээлэл цуглуулах, үнэлгээ хийх

• Зорилтот байгууллагуудаас оролцогчдын мэдээллийг авах

• Судалгааны үр дүнд дүн шинжилгээ хийх

• Ангилал бүрт шилдгүүд, нийт ТОП байгууллагуудыг шалгаруулах

• Зөвлөлд танилцуулж санал авах

• ТОП байгууллагуудыг эцэслэн гаргах

II. ТОП байгууллагуудыг зарлах

• ТОП байгууллагуудыг шалгаруулах аргачлалын талаар танилцуулга бэлтгэх

• ТОП байгууллагуудыг зарлан танилцуулах 

• ТОП байгууллагуудыг таниулан сурталчлах, хэвлэл мэдээллээр цацах

• Оны шилдгүүдийг шалгаруулах

Долоо. Шалгаруулалтын дүнг гаргах

1. Байгууллага бүрийн үндсэн мэдээлэлд тулгуурлан эрэмбэлэх байдлаар гаргаж ТОП ААНБ-ыг шалгаруулна.

2. Шалгаруулах зөвлөлд үнэлгээний үр дүнг танилцуулж, санал авна. 

Шалгаруулалт явуулах процесс:

1. Шалгаруулах зөвлөл уулзалт зохион байгуулах

2. Журам батлах

3. Шалгаруулалтын мэдээлэл олон нийтэд түгээх

4. Мэдээлэл цуглуулах

5. Боловсруулалт хийх

6. Чиглэлээр ТББ-уудтай хамтарч шалгаруулалт

7. Шалгаруулах зөвлөлийн хурлаар эцэслэх

8. Шалгарсан мэдээллээ түгээх